محمد أسدي- دير الأسد:أيا دنيا....شو صابك خبريني

أيا دنيا شو صابك خبريني
شفت ِ عيونكِ بتدمع حزينه
قوليلي ليش الزمن كلو تحول
القرية اليوم بتشبه مدينه
اعذريني يا دنيا لو كنت بسأل
قلبي نجرح ، من الجرح داوييني
زمن الظلم صارلو سنين طوّل
متى بيروح عنا طمنيني
زمان جدودنا كان بكثير اجمل
انا لهالزمن عم بكثر حنيني
صدى بكايه عأقصى الكون بوصل
ونجم السما عم بسمع انيني
المسيح ألفادي لا ما عاد يقبل
رجوع ِ لهَدِنه لصارت مهينه
متى رح شوف زما الخير اقبل
جرعة أمل لو فيكي عَطيني
هذا الزمن إذا للشر معقل
لكبر ِ الشب بحملو سكينه
انا قلبي عشكل ورود مشتل
عطيني الروح من ميِك سقيني

محمد أسدي- دير الأسد
 

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب.
لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان:
alarab@alarab.co.il