زجل:  أصلِح نفسَك

زجل  أصلِح نفسَك  –  بقلم أسماء طنوس المكر

_____________________________

اصلِح  نفسَـك  وقلـبَك ___ قَبْلِ  الحُـكُم  عَغـيـرَك

شو مخَبّي شايفُه ربَّك ___عارف شَرَّك من خيرَك

_____________________________

إِوعَ تْكون واحِد مغرور___بيِرفع حالُه عَالفـاضي

راح توقَعِ  مْنِِ  الغُرور___ لِأنُّه ربَّك مِش راضي

بِالتَّعالي  انتَ  مَأسور ___ عامل  حالَك  القاضي  

مِش عارف إنَّك مَأمور___  فوقَك الفاحِص أمـرَك

______________________________

ولَوْ كُنْتِ بصِحَّه مليحَه___ لا  تِتـنَمَّر على  الغـير

هايِ  الصِّفَـه  قـبيـحَه ___  بِتْـأَثِّــر علـيـهِ  كْـثـيـر

نَظـرَه مِنْكَ  مُريـحَـه ____ راح تِعطيه رَجاء كبير

بِالرَّحمَـه لا الذَّبيـحه ____ عِندَ الله بيـكون أَجـرَك