جاء في الرسالة:

جوزي منيح معي وولا مرة ضربني أو اذاني بس من 3 او 4 سنين وهو مجنني بالمخلوقة اللي اسمها هيفاء وهبي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

مرحبا للقراء.. بتمنى منكو تنصحوني وتوجهوني بلا تمسخر وبلا ما اتفهوا مشكلتي لأنها عنجد كبيرة بالنسبة الي... انا متزوجة من 10 سنين تقريبا، تزوجت بعمر صغير كنت 20 سنة زواج تقليدي يعني خطبة وجيزة أهل وهو اكبر مني ب 4 سنين. جوزي منيح معي وولا مرة ضربني أو اذاني بس من 3 او 4 سنين وهو مجنني بالمخلوقة اللي اسمها هيفاء وهبي.. بضل يسمع اغانيها ويحضرلها اغاني وفيديوها وكل ما اجت على التلفزيون بغيرش المحطة وحتى صورتها موجودة على تلفونو.. وكل شوي بضل يسمعني حكي انها حلوة وانو بتمنى لو كانت مرتو تشبها وانو بتمنى يتجوزها... انا بدي انجن .. بغار منها وبغار عليه ومش عارفة شو اعمل عشان يقيمها من راسو!!!

صورة توضيحية

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net