مواقف اﻷطفال المحرجة مع أمهاتهن لا تنتهي! الحقيقة أن هذه المواقف هي ما تصنع ذكريات وطرائف الحكايات في المستقبل عندما يكبر الطفل وتبدأ الأم والجدة في سرد نوادر الطفولة. ولكن.. إلي أي مدى يمكن أن يضعك طفلك في موقف محرج؟ أحيانًا يتحول اﻹحراج من مجرد موقف يضحك منه الجميع لموقف لا ينسي للعائلة بأكملها حينما يفاجئ الطفل الجميع بتصرف ما غير متوقع!

صورة توضيحية 

واليوم نشارككم أطرف وأكثر الموقف المحرجة التي تسبب فيه الأطفال.
•  ممكن اعتذر ﻷي شخص مثلا ًعن عزومة أو خروجة وأقول عندنا مذاكرة وامتحانات وابني يدخل في الكلام يقولي انا خلصت المذاكرة ومراجع كمان !

•  كنت عند زميلة ليا وابني قالي جعان مع إننا كلنا في البيت قبل ما ننزل بس المشوار كان بعيد فجاع وكنت محرجة أقولها على أكل ومن يومها لازم يكون في شنطتي حاجات تنفع للأكل في الشارع أو الطريق.

•  لما نكون عند حد ويدخل في كلام الكبار، أكتر شيء محرج.

•  أنهم بيفرملوا أمام البياعين ويعيطوا في وقت الفلوس إللي معايا بتبقى مش كفاية لطلباتهم.

•  لما تكون حاجة حصلت في البيت وأقول ﻷبني ماتقولش لحد وأول ما يجي عندنا حد يقول الكلام على طول.

• كنت في محل وكنت بشتري ملابس مع بنتي عمرها سنتين نزلت من عربية البيبي وجريت وجري وراها عمال المحل ﻹن الملابس كانت بتزمر من باب الخروج وافتكرونا سارقينها.

• لما أكون بزور حد ويتحركوا في المكان كإنه بيتهم.

• انا عندي بنتين بس دايما لما يجي ضيف يصيروا ناس تانية يعني ما يسمعو كلامي وصراخ وصوت عالي حتى الضيوف يزهقوا ويمشوا.

• لما بنتي تقول مش بتحب أكل الموز وتخلصلهم الصباتة عند الضيوف.

• عندما نکون في زيارة عند أحد وينظرون إلی الحلويات أو العصير وکأنهم لم يروا منها في حياتهم مع أنهم يکونون قد أکلوا حتی الشبع قبل الخروج من المنزل.

•  مشاكل ابني في المدرسة بيضرب اﻷطفال.

• لما يعلقوا على أكل حماتي إنه مش حلو قدامها وأن أكلك يا مامي وأكل نانا (مامتي) حلو.

• بنتى كانت فعربية السوبر ماركت وسرحت عنها وحطيت معاها ف العربية طبق بسبوسة لناس ببص فجاءة لقتها فتحاه و مبهدلة هدومها بيه ورحنا للناس كدة وإحنا بالبسبوسة بس على هدومنا ووشنا.
 
•  أغلق علي باب الحمام وعندي ضيوف وقالي متصرخيش في وجهي تاني اوعديني ولا لن أفتح.

• مرة اتبضعت وحكيت لجوزي الفاتورة 70 دينار وبعد شوي بنتي جابت الفاتورة من الشنطة واعطتها ﻷبوها وكانت قيمتها 50 دينار.

• بنتى أول لما روحنا عند حماتي فضلت تقولها ماما مش راضية تجبني عندك خالص وأنا مقولتش خالص حسيت إنى مكسوفه جدا.

موقع العرب يتيح لكم الفرصة بنشر صور أولادكم.. ما عليكم سوى ارسال صور بجودة عالية وحجم كبير مع تفاصيل الطفل ورقم هاتف الأهل للتأكد من صحة الأمور وارسال المواد على الميل التالي: alarab@alarab.net