حبيبة قلبي ونور ايامي.... بهديكي قصيدي كل الشوق فيها... حامله حنيني ولهفتي وهيامي... وبدموع الفرح كتبت قوافيها.. ونشرتها بقلبي الي بحبك صار دامي...والروح شهقتك وتزفرك ما عاد فيها.. ولو بعدت رح اعلن صيامي... واترك كل الدني وما فيها راح اصرخ بحبك لو صرت ملامي...لك الله المشاعر من عندوا سمح فيها ما بقدر اوصفك لو خطوا اقلامي... والاوراق بجماليك تاهت السطور فيها وانتهت وما تركت علامي... والرسايل ضاعت وما عدت لاقيها حتى الشمس معها لعلن صدامي.... عشقي اقوى من انوا يحترق فيها والقمر قبل مني سلامي.... وقلي عذرتك.. انا مثلك مغروم فيها اجتمعوا النجوم ليعدوا كلامي.. قالوا نحنا قلال والكلام كثير فيها عيوني بحر ل سفن حبك حامي.... ورموشي شاطئ لعيونك يرسيها كرمالك رح سد النهر برجامي... والبحيرة بعمرها ما تفتح مجاريها من العطش يذبل الورد امامي ... وانا اغرف ومن بحر حبك تاسقيها والورد من عطرك شذى سامي... اعطى الربيع من جمال ورودو يمليها بعث للصيف من عندو عمامي... مرصعة بزهر الياسمين كاسيها اجا الخريف معو حامل رسالي... بكلمات الحب لعيونك بهديها والشتي اتى والورد بعدوا غافي... كيف يذبل وحبك للورود مغذيها قلبك حبَّة ماسٍ خامي... للروح اروع بريق معطيها ومن بعد اسمك ما عاشت اسامي... محاها وحرمها من معانيها

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان:alarab@alarab.co.il