يادايس ارضي ياجارح
كيف بدك ع دمي سامح
بدك انس امبارح
بيتي هدمته
بيي قتلته
خيي اعتقلته

لالي لالي لالي
ياعلمنا لالي بالعالي

انا عربي اّه يانيالي
يكفينا عنا ايمان
اجراس الكنائس اصوات الاّذان
الله واحد الله اكبر... اكبر من ظلم الطغيان
مجدل شمس وأرض الجولان
ثمر التفاح والرمان
شامخ يا شجر السنديان
بعلبك بيروت بلبنان
بقعاتا العراقيب وسلوان
تونس ليبيا والسودان
بغداد البصرة وعمان
ثورة الفراعنه مجد الميدان

منفرق بلون ولا دين
سنه شيعه ومسيحيين
ع دربك صلاح الدين
درعا حمص وحطين
دمشق رام الله وجنين
ع حدود ال٦٧
لا ياشعبي مابنلين
دير الأسد الوادي عبلين
يافا طمره سخنين
النصارى الصفا والحزين
قطر الجزيرة والبحرين
وأهل الخليل الطيبين

شعبك يا عكا جبار
الله يحميكِ بالأسوار
ما يمرق بابك غدّار
فيكِ الطيبة فيكِ النخوة 
ما مننساكِ شو ما صار  

مافيني انس اللي فات
ولا مابنس ارض المخيمات
والقرى اللي صارت ذكريات
الجرح بينزف وتزيد الاّهات

نور الشمس وبيت جبرين
عين الحلوة بيت حانون وجنين
صفوريه ميعار ودير ياسين
عين كارم وبير ماعين
عمواس الخيمه والطواحين
اللد الناصره وساحة العين
صبرا شاتيلا واليرموك
لا ياوطني ماغدروك
النقب الرملة والجليل
باقة المثلث والخليل
مجد الكروم وذيل المسيل
لا ياجنوبي ارزك مايميل

سخنين

موقع العرب يفسح المجال امام المبدعين والموهوبين لطرح خواطرهم وقصائدهم التي كتبت بقلمهم المميز ويقدم للجميع منبرا حرا في التعبير عما في داخلهم ضمن زاوية منبر العرب.
لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع على العنوان:
alarab@alarab.co.il