- ابرز ما جاء في الرسالة:

* هل صحيح أن المجتمع سيعاير أبنائي أن جدتهم زانية؟

* هل صحيح أن طب الجرة على تمها بتطلع البنت لإمها؟

* اكتشقت وعن طريق الصدفة انو امها اتطلقت لانها خانت ابوها

 * كيف بدي اواجهها واقولها اني سمعت واتأكدت من الناس وبطرقي انو ابوكي طلق امك لانها خانتو؟

* حبيبتي ما حكتلي سبب طلاق امها وخبت عني الحقيقة وما فكرت انها تصارحني هاذا الموضوع خربطلي راسي وما عدت اعرف ايشي

 وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

 الرسالة كالتالي:
مرحبا لكا زوار الموقع انا شاب عمري 27 عاما مثقف وفهمان , تعرفت على صبية كتير حلوة وبنت عنجد عجبتني من جميع النواحي يعني متلربية ومتعلمة وما ناقصها ايشي..بس المشكلة اني عرفت بأول علاقتي فيها انو امها اتطلقت وطبعا هي ما خبت علي هادا الايشي بالعكس اول ما بلشت علاقتنا خبرتني انو امها وابوها انفصلوا انا شان متفهم انو في كتير حالات زواج ممكن انها ما تزبط والسببب بيكون خلافات بين الوجين وهادا الايشي طبيعي!
 انا ما ترددت بعلاقتي فيها بالعكس كبرت بعيني لانها خبرتني وما خبت علي من اول ما تعرفت عليها بس الموضوع الي كتير ضايقني اني سمعت وعن طريق الصدفة انو امها اتطلقت لانها خانت ابوها وبصورة اوضح ابوها مسكها مع زلمة غريب ..وهون كانت المصيبة لاني صرت اسمع من اليمين والشمال.

صورة توضيحية

المهم هاذا الموضوع خربطلي راس وما عدت اعرف الله وين حاططني وشو بدي اعمل وكيف بدي اواجهها واقولها اني سمعت واتأكدت من الناس انو ابوكي طلق امك لانها خانتو.
انا بحيرة ما بعرف فيها غير ربي ويلي ما بغد استغني عنها وعن ادابها وبنفس الوقت كيف بدي اتزوج بنت امها خاينة وسمعتها عاطلة بين الناس؟ وكيف اهلي راح يتقبلوا وضعها بينا ووضع امها ويتعاملوا معو؟ وانا خايف اني اذا اتزوجتها يصيرو الناس يحكو عني انا كمان ويقلوا هادا اتزوج وحدة امها هيك هيك...؟ انا متحير كتير كتير وخايف اخطوا هاي الخطوة وبنفس الوقت بديش اظلمها لحبيبتي لانها ما الها ذنب بالموضوع بس الناس ما بترحم وخايف انهن بعدين يقولو طب الجرة على تمها بتطلع البنت لامها وساعتها راح يحوطوا بشرفي وبعرضي  وراح يحتقروني الناس ويحتقروا عيلتي ..وانا ما بتحمل ...ساعدوني اريد حلا !

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il