- ابرز ما جاء في الرسالة :

* انا صبية عمري 20 سنة من قرى الشمال , متعلمة ومحجبة ومش ناقصني جمال الحمد للله

* تقدملي عريس كتير منيح بس فاجأني بطلب انو بدو يشوفني بدون حجاب قبل ما يقرر يخطبني

* طلب من ابوي وابوي كتير متحير ناس بيقولوا حرام وناس ثانية بيقولوا مش حرام من حق العريس انو يشوفني

* انا خايفة كتير وخجلانه من أهلي ومن الناس وبنفس الوقت ما بدي اخسروا ...ساعدوني ...اوافقق على طلبوا او لأ

وصلت الى موقع العرب رسالة من فتاه تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي :
مرحبا موقع العرب انا صبية عمري 20 سنة من قرى الشمال , متعلمة  ومحجبة ومش ناقصني جمال الحمد للله , امن فترة تقدملي عريس وطلب ايدي من اهلي والصراحة ما بخبي الشاب عجبني كتير لاني لقيت في كل المقومات الحلوة للرجل الي بقدر اعيش معو وانا مبسوطة ومتريحة .
قعدت مع الشاب اكثر من مرة في البيت عند أهلي واعجبني وانا حسيت اي اعجبتوا , ولما وصل الموضوع انو خلص لازم نقرر الخطبة , يعني اه او لأ طلب مني طلب انا الصراحة استغربتوا والطلب هو انو يشوف شعري ويشوفني وانا مش حاطه الحجاب على راسي .
استغربت كتير وهو قلي انا الصراحة ما بقدر اخطبك غير ما اشوفك مش لاني لا سمح الله خايف من ايشي معين , لأ بس هادا من حقي في الدين كمان مش حرام , وقلي انو راح يحكي مع ابوي وبالفعل حكا لابوي , المشكلة انو ابوي متحير ناس بيقولوا حرام وناس ثانية بيقولوا مش حرام من حقوا .

صورة توضيحية

انا متحيرة كتير وفي كتير شغلات بتدور براسي ...يا ترى هل خلعي للحجاب حرام قدام هادا الشاب الي طالبني بالحلال؟
وهل الدين بيسمحلي اني اخلع عن راسي قداموا لحتى يقرر موضوع الارتباط في او لأ ؟
وانا بأي وجه اذا ابوي واهلي وافقوا اني اخلع الحجاب عن راسي راح اطلع علي ؟ وكيف راح اغدر اطلع بوجه ابوي وهو جاي عندي وانا مزبطه حالي عشان يشوفني ويقرر؟
ويا ترى لنفرض انو ما عجبتوا راح يروح وأنا بكون خسرت جزء من كرامتي ؟ يعني بدو يصير كل واحد يشوف شعري ويشوفني بلا حجاب ويمكن اعجبو ويمكن لأ ؟
انا خايفة كتير وخجلانه من أهلي ومن الناس وبنفس الوقت ما بدي اخسروا ...ساعدوني ...اوافقق على طلبوا او لأ .

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il