وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم ورحمه الله وبركاته انا امراه متزوجه عمري 19.5 الحمدالله اخدت زوجي عن حب وهو اكبر مني بسنتين منحب بعض لدرجه لا توصف وطبعا كثير متفاهمين ومتفقين وكلشي على ما يرام مشكلتي الغيره والحسد من سلفتي لدرجه انو تهجمت علي واذتني وانا حامل وبتسمعني حكي عالطالعه والنازله وحكي بسم البدن وبتتهمني اتهامات باطله وبتحكي علي كلام بنحكاش انا سمعتسي وشرفي غاليات وبسووو كل الدنيي والحمدالله محافظه عليهن مشكلتي انو انا حساسه وقلبي طيب خسرت كثير من وزني كمان وتعبانه نفسنيا بس ما بحب ابين عحالي وما بحب المشاكل وبحب يبقى بالي مرتاح ومستوره الحال وزوجي ودار عمي راضيين عني كل الرضا ...
زوجي بشتغل بياتي يعني بجمعه تلت تيام بروح لانو شوي ظروفنا الماديه صعبه وهي مش مئصر بحقي ولا باي ناحيه وانا بقدر ظروفو ووضعو ما بحب احكيلي شو بصير لانو اذا عرف راح تزيد المشاكل ويتقاتل هوي واخوه وانا ما بحب ابعد زوجي عن اخوه وما بحب اعمل مشاكل واكون السبب دايما بكتم بقلبي في جرح بقلبي عم ينزف ما حدا بحسو الا الله.. زوجي اخر فتره حس انو في اشي وبقلي حاسك متغيره ومالك اشي وبضغط علي احكي بس انا بنكر ما بدي مشاكل ووجع راس متكلي عالله مع انو اقسم بالله بعمري ما اذيت انسان وبحب الخير للكل بس مش عارفه ليش الناس ما بتحب تشوف كل اثنين بحبو بعض واثنين متجوزين ومتفقين ليش الحقد ليش الانانيه والكراهيه ليش ما يكون محبه ؟؟ انا صراحه بطلت اتحمل هيك وضع يوم عن يوم بياس وبقول بدي طلع الي جواتي بلكي رتحت بس يا ترى اذا حكيت راح اكون انا السبب؟؟؟ انا شخصيتي قويه وواثقه من نفسي بس بهيك امور بضعف بس لما اروح عند اهلي برتاح وبنبسط اما ما دام عايشه بين سلفه حقوده وانانيه بعمري ما راح انبسط بس انا مستحمله عشان زوجي الا عوضني عن كلشي وبحبني وبهمو زعلي بس الىالله... انا محتاجه اسمع كثير ردودكو والف شكر الكو وبدي اشكر موقع كل العرب الاكثر شعبيه والاكثر من رائع تحياتي من الشمال ...

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il