Share this link via
Or copy link
حارتنا العبلّينيّة القديمة
حارتنا القديمة دُرّة بالذّكريات مليانه
محبّة وهَنا وسرور وبالعزّ عَليانه
وتاريخ يكتب مجد بحروف حَليانه
فيها الورد منثور وبالحَبَق غرقانه
ودربها مرصوف بقلوب عَشقانه
بيحكي قصيدة شِعر غنتها ولهانه
على بير قديمة وسطل وباب دُكّانه
أبطالها حَمَد والياس وأفكار شعلانه
بالودّ ، بالأُخوّة ، بالحبّ وقلوب ريّانه
وتبقى المُشكلة وحيدة فيها غرقانه
سيّارات بتلّف وبتدور وبالحشرة عَلقانه
ارحمونا يا بشر وغيّروا هالكوانه
واركنوا سيارتكو بَرّة في ساحات وسعانه